CAGAYAN DE ORO CITY-Patay ang laing suspected drug pusher dihang giingong misukol sa kapolisan sa lungsod sa Jasaan,Misamis Oriental kagabii.
Giila ni Jasaan Police Station commander C/Insp Rogelio Labor ang suspek nga si Antonio Dulas,24 anyos,ulitawo ug nagpuyo sa maong lungsod.
Miingon si Labor nga nagpahigayon sa buy bust operation ang kapolisan kuyog ang PDEU-PNP sa Misamis Oriental dihang kalit misukol ang suspek hinungdan sa kamatayon niini.
Naigo sa ulo ang suspek gikan sa mga mibalos nga pulis hinungdan sa iyang kamatayon.
Kini na ang ikaduhang kaso sa suspected pusher nga napusilan patay kay giingong misukol sa kapolisan.
