CAGAYAN DE ORO CITY-Napatay ang laing drug suspect sa gipahigayong buy bust operation sa St. Therese Zone 5 Brgy Kauswagan ning syudad kagabii.
Giila ang napatay nga si Bryan Dabu Dabu,hingkod ang panuigon nga taga Brgy Consolacion sa syudad.
Nakig-transak si Dabu Dabu sa Regional Drugs Enforcerment Unit -RDEU 10 nga gipanguluhan ni Police C/Insp Ian Datiles dihang nakabantay nga pulis diin mibunot kini sa iyang 38 revolver apan naunhan sa operating team busa miresulta sa iyang kamatayon.
Gawas sa armas, narekober sa posisyon ni Dabu Dabu ang 2 ka sachet sa gitOohang shabu, cellphone ug kwarta nga maoy nagsilbing marked money.
Samtang giangkon ni Kimberly Balase nga napriso ang iyang live in partner nga si Bryan kaniadto tungod sa kasong attempted murder ug tiggamitan usab sa droga apan iyang gipamugos nga dili kini gapamaligya.
