CAGAYAN DE ORO CITY-Kasuhan sa pagbaliya’g gidiling droga ang notoryus suspected drug pusher nga nasikop sa City Drugs Enforcement Unit o CDEU sa syudad kagahapong adlawa.
Giila ni CDEU investigator SPO3 Allan Radaza ang suspek nga si Romel Maglangit Arojo, 31 anyos, minyo ug nagpuyo sa Zone-3 Brgy Agusan sa syudad.
Nakompiskar gikan kang Arojo ang daghang sachets sa suspected shabu nga nagbalor sa 44-mil pesos.Nasuta nga sagad gabaligya ang suspek sa pipila ka driver sa mga pampublikong sakyanan ilabina sa Brgy Bugo ug Puerto sa syudad.
Una niini,gihimakak ni Arojo nga siya ang tag-iya sa gitoohang shabu nga nakuha sa kapolisan gikan kaniya.
