CAGAYAN DE ORO CITY – Nakasuhan na sa kapolisan sa murder ug pagpanulis ang suspected notorious gcash scammer sa piskalya ning syudad kagahapon.
Kini human nadakpan sa police follow up operation ang suspek nga si Jeremiah Umali,35 anyos nga residente sa Brgy Canitoan tungod sa pagpusil-patay empleyado sa Crispy King sa Brgy Agusan sa miaging Sabado sa gabii.
Miingon si Puerto Police Station commander Maj. Sabino Labitad nga maoy gipusil sa suspek gamit ang kalibre 45 sa makaduhang higayon ang biktiam nga si Jeff Harold Tulba.
Giaghat usab ni Labitad kadtong mga tawo nga biktima sa pagpangilad sa suspek nga mibisita sa ilang buhatan aron mapun-an ang mga kaso nga ipasaka nila sa korte.
