CAGAYAN DE ORO CITY-Patay sa laing anti-drug buy-bust operation ang lalaki human giingong misukol sa mga pulis diha sa 11/15th Sts,Brgy Nazareth ning syudad kagabii.
Giila ang napatay nga si Roger Pugay Cerza alyas Kwek-kwek, 54-anyos ug molopyo sa Lapaz 1 Sto. Niño Lapasan sa syudad.
Gibutyag nga nakabantay ang suspek nga pulis ang katransaksyon niini sa pagbaligya sa gitoohang shabu busa mibunot kini sa iyang 38 revolver hinungdan nga gipusil sa operating team.
Gidala pa sa Jr Borja City Hospital si Cerza apan gideklara sa mga doktor nga nakabsan sa kinabuhi.
Si Cerza ang ikaduha nga suspected shabu pusher nga napatay sa kapolisan tungod sa giingong pagsukol sa syudad sulod ning semanaha.
Una nang namahayag si Cagayan de Oro City Police Office spokesperson Police Lt Col Mardi Hortillosa nga madugangan pa ang mapatay nga drug pushers kon dili kini mangundang sa ilang ilegal nga kalihukan ning syudad.
