CAGAYAN DE ORO CITY- Patay ang laing drug suspect human giingong misukol sa buy bust operation sa Aluba, Upper Macansandig ning syudad.
Giila ang suspect nga si Jason Cuizon, hingkod ang panuigon ug molopyo sa Tangkonan Pinikitan, Brgy Camaman-an sa syudad.
Gibutyag ni Police Sr Insp Dennis Quindara, hepe sa Police Station nga gamit ang P2-mil 500 nga marked money nakig-transaksyon sila sa suspect apan dihang nagpaila na ang pulis kaniya,mibunot kini sa kalibre 45 ug gipusil sa dughan si PO1 Ceazar Ramos.
Apan swerte na lamang nga nakasuot sa bullet vest si Ramos busa wala midulot ang bala sa lawas niini.
Daling gidala sa Northern Mindanao Medical Center si Cuizon dihang nakabalos pagpusil ang mga back up nga pulis apan nakabsan na kini sa kinabuhi.
