CAGAYAN DE ORO CITY – Gisikop sa Criminal Investigation and Detection Group o CIDG 9 ang taas nga opisyal sa CPP-NPA-NDF sa Laguindingan Airport,Laguindingan,Misamis Oriental.
Giila ang nadakpang opisyal nga si Margaritta Valle, 61, kinsa giingong first deputy secretary sa National Democratic Front-Northeastern Mindanao Region.
Gibutyag ni Police Capt. Rorry Tabuclin, hepe sa Languindingan Police Station nga gidakop si Valle subay sa warrant of arrest tungod sa kasong arson,multiple murder with quadropol frustrated murder and damage to government property.
Gibutyag ni Tabuclin nga gidala na si Valle sa buhatan sa CIDG sa Zamboanga.
Apan sa ulahi nga kasayuran,gibuhian na si Valle kay diay nasayopd ang mga otoridad pagdakop kaniya.
Gilayong miani’g nagkadaiyang reaksyon ang palpak nga operasyon sa mga otoridad.
