CAGAYAN DE ORO CITY – Gipangita sa kapolisan ang grupo sa armadong kalalakihan nga responsable pagpusil-patay sa suspected robbery gang member sulod sa gimanehong sakyanan sa Purok 4-B,Barangay Batangan,Valencia City,Bukidnon.
Kini human unang gitoohan nga gisundan sa mga suspek ang maong lalaki nga giingong sakop sa robbery nga nakapanulis sa usa ka pawnshop sa Davao City diin naabtan sa Bukidnon rason nga gipusil-patay.
Namahayag sa media si Bukidnon PNP spokesperson Major Jayvee Babaan nga nagpadayon ang imbestigasyon sa ilang mga operatiba aron sayron kung kinsa ang grupo nga milikidar sa nagsilbi ang biktima nga personalidad.
Nasuta usab nga wanted person ang biktima sa kasong pagsupak sa Comprehensive Dangerous Drugs Act of 2002 ug pagkupot sa illegal nga armas diin molupyo sa syudad sa Ozamiz,Misamis Occidental.
Hisayrang sakay sa pribadong sakyanan ang 48 anyos nga biktima sa dihang gi-abayan kini sa nakasakyanan nga mga responsabli ug natigayon ang dugu-ong kremin.
