CAGAYAN DE ORO CITY – Taliwala nga naka-off duty apan tungod sa tawag sa serbisyo, nasanta sa aktibong pulis ang giingong armadong lalaki nga unang nakatulis sa truck driver sa Brgy Casinglot,Tagoloan,Misamis Oriental.
Kini human napusilan-patay ni Police Staff Sargeant Oscar Kent Mabayo ang suspek nga si Mark Jovet Cantivero nga taga-Brgy Puerto ning syudad kay nagkita’g pagsukol gamit ang bitbit nga armas rason nga nahinaykan.
Saysay sa report nga nangayo’g tabang ang truck driver nga si Leo Aguilar kay gitulis kini sa suspek diin nadala pa ang salapi kantidad 8-mil pesos.
Paspas misibat ang suspek apan narespondehan ni Mabayo kay nadunggan niini si Aguilar nga nangayo’g tabang hinungdan nga nahitabo ang komprotansi.
Misulay pa unta paglukso sa sementadong kural ang suspek apan gisita na kini sa pulis diin gihangyo mopa-kustodiya pero wala manumbaling resulta sa dugu-ong hitabo.
Gidali pagdala sa ospital ang suspek tungod sa igo-pinusilan sa pulis apan pakyas nang maluwas sa mga nag-atiman nga mga doktor.
