CAGAYAN DE ORO CITY, Philippines – Nasikop na sa kapulisan ang suspek nga mipusil-patay sa usa ka mag-uuma sa Aposkahoy, Claveria, Misamis Oriental. Giila ang 43-anyos nga suspek nga si Anthony Coberto Cabug.
Kahinumduman nga naka-angkon sa napulo ka samad-pinusilan ang biktima nga si Reynaldo Kampanya, nga taga Nahin Kilang, Davao del Norte human gipusil kini dihang wala mohatag sa gipangayong kwarta sa suspek.
Gibutyag ni Claveria Municipal Police Station Commander Police Major Teodoro De Oro nga ipasaka na nila ang kasong murder batok sa suspetsado sa piskalya ning adlawa.
