CAGAYAN DE ORO CITY – Gipangita sa kapolisan ang suspek pagdunggab-patay sa usa ka lalaki sa Purok 2,Brgy Balubal ning syudad.
Pasiunang giila sa kapolisan ang biktima nga si Danilo Monsanto,hingkod ang edad nga nagpuyo ning syudad.
Gibutyag sa Puerto Police Station nga himuan pa sa dugang imbestigasyon ang hitabo aron sayron kon nganong gidunggab kini sa wala maila pa nga suspek.
Una niini,igo na lang nakit-an ang patay’ng lawas sa biktima diin gitoohan nga gidunggab sa wala pa masuta nga rason.
Nangayo’g dinaliang hustisya ang pamilyang nagpabungatan sa gidangatan sa maong biktima.
