CAGAYAN DE ORO CITY – Kasuhan sa kapolisan sa homicide ug attempted homicide ang suspek pagdunggab-patay ngadto sa 20 anyos nga biktima ug higala niini nga nag-edad 21 nga pulos nagpuyo sa esteng bahin sa dakbayan particular sa Brgy Cugman ingon man Tablon.
Namahayag si Police Staff Sgt Landemar Jaraula,imbestigador sa Cugman Police Station nga giila ang namatay’ng biktima nga si Joshua Jay Lascuña ug samaron si Junjie Hermoceña samtang ang suspek mao si Jerry Lordeo,41 anyos nga nagpuyo sa lugar.
Sa inisyal nga imbestigasyon,gialingashan ang suspek sa grabeng kasaba sa mga biktima hinungdan sa dugu-ong hitabo kay natugpahan sa mga gilabay’ng bato ug mga botilya.
Misamot ang kayugot sa suspek kay nakit-an niini ng nadamay ang iyang inahan nga nagkadugo ug gitabanga’g kulata sa pag-umangkon niya sa hitabo sa miaging Domingo.
