CAGAYAN DE ORO CITY- Nadakpan sa kapolisan ang suspek sa pag-ransak sa Palawan Pawnshop diha sa Brgy Carmen ning syudad.Giila ang dinakpan nga si John Paul Cruz, 26-anyos ug kanhi branch manager sa maong pawnshop ning syudad.
Narekober sa iyang posisyon ang P319-mil 300 nga cash ug P10-million pesos nga kantidad sa mga alahas.
Miingon si Cagayan de Oro City Police Office o COCPO spokesperson Police Major Ivan Viñasnga dako ang ilang pagtoo nga adunay laing mga kauban si Cruz sa paghimo sa krimen.
Nagtoo ang kapolisan nga inside job ang pagkalungkab sa maong patigayon.
Samtang giiangkon sa suspek nga si Cruzs nga siya ang mihimo sa pagpanglungkab sa Palawan Pawnshop sa Brgy Carmen ning syudad.
Sa interbyu usab kang Carmen Police Station,gibutyag niini nga nabawi nila kang Cruz ang balor P8-million nga alahas ug kapin P500,000 nga cash.
Miingon si Carmen Police Station Commander Major Ian Borinaga nga gihimo sa suspek ang pagkompisal sa krimen ngadto sa asawa niini.
Kasuhan sa pagpangawat si Cruz sa piskalya sa syudad ning adlawa.
