CAGAYAN DE ORO CITY – Mitahan sa NBI-10 ang usa sa duha ka suspek pagdunggab ug pagpusil-patay sa giingong police asset diha sa Brgy Carmen sa syudad sa miaging gabii.Kini human unang gitabanga’g patay sa mga suspek nga si Den Pelaciano ug Dodong Villega ang biktima nga si Earl Balaba samtang nagsaulog sa new year sa mismong pinuy-anan niini sa maong lugar.
Miingon si Carmen Police Station commander C/Insp Ritchie Salva nga si Villega ang nagpusil kang Balaba samtang si Pelaciano ang midunggab niini hinungdan sa iyang kamatayon.Bugtong si Pelaciano na lamang ang gipangita sa kapolisan aron ipatubag sa pasangil nga salaod ngadto sa biktima.
