CAGAYAN DE ORO CITY – Nadakpan sa kapolisan ang usa sa mga suspek sa pagpatay sa miembro sa CAFGU Active Auxiliary sa Special Forces Regiment sa Philippine Army diha sa Purok 1, Sitio Tinaytayan, Brgy San Miguel, Talakag, Bukidnon.
Giila ang dinakpan nga si Gilbert Adolfo, 37-anyos samtang at large pa ang laing suspek nga si Raul alias “Junjun” Gahinay, residente sa Sitio Tinaytayan sa maong lugar.
Sa imbestigasyon sa kapolisan, gipusil sa duha ka suspek ang biktima nga si Ervin Edahon, 44 anyos sa iyang ulo ug lawas samtang pauli sa ilang panimalay kuyog ang iyang kapikas ug mga silingan gikan milantaw sa kalingawan sa ilang lugar.
Hisayran nga positibong naila sa witnesseses ang mga suspetsado.
