CAGAYAN DE ORO CITY – Gibarugan City Police director Colonel Henry Dampal nga ang nadakpang suspek nga si John Mark Virtudazo ang hulagway nga ilang nakita sa CCTV footage nga mipatay sa traffic enforcer nga si Mark Langam IV.
Miingon si Dampal nga gawas sa CCTV footage, si Virtudazo usab ang gitudlo nga suspek sa mga testigo.
Apan gitin-aw niini nga magpadayon ang ilang imbestigasyon sa kaso sa pagtoo nga adunay dugang mga suspek sa krimen.
Kasong murder ang ipasaka sa kapolisan batok Virtudazo batok suspek ning adlawa.
Samtang gihimakak n si Virtudazo ang alegasyon nga siya ang suspek sa pagpusil-patay sa traffic enforcer nga si Langam.
Gipamugos ni Virtudazo nga limpyo ang iyang konsensya nga wala siya makahimo sa krimen ilabina nga dili siya kahibalo nga moggamit sa armas.
Gani, giangkon sa suspek nga aduna siyay nakaaway nga RTA enforcer kaniadto dihang nagmaneho pa siya sa side car apan dili si Langam.
Gibutyag usab niini nga dugay na niya nga giundangan ang pagpamasahero sa side car tungod sa iyang asawa nga labihan ka selosa hinungdan nga nagtrabaho na lamang siya sa bansohan.
Gibulgar usab ni Virtudazo nga gipugos siya sa mga pulis nga angkunon ang krimen aron mapadali ang pagsulbad sa kaso.
Samtang gusto sa Roads and Traffic Administration o RTA officials nga madugta sa prisohan ang gitudlong suspek pagpatay kang Langam.
Kini human nasikop sa pinaagi sa buy bust operation ang suspek nga si John Mark Virtudazo sa sa Tagoloan,Misamis Oriental sa miaging gabii.
Miingon si RTA asst administrator Engr Nonito Oclarit nga pinaagi sa paspas nga aksyon sa PNP,mahatagan na sa hustisya ang biktima nga nagtuman lamang sa sugo sa gobierno.
Dumduman nga mismo si City Mayor Oscar Moreno ang mohatag sa 500-mil pesos nga cash reward sa mga tawo nga nakatudlo sa suspek sa maong kremin.
Samtang giangkon ni Tagoloan Police Station officer -in- charge commander Lt Ramil Dablio Langala nga wala sila’y nakuha nga armas o bisan unsang hinagiban dihang ilang nadakpan sa drug buy bust operation si Virtudazo.
Miingon si Langala nga wala usab sila’y natala nga record sa suspek nga nalambigit kini sa kasong pagpangdunggab ug pagpatay sa maong lungsod.
Siya miingon nga ang kasong pagpamaligya ug paggamit sa droga lamang ang ilang namonitor sa suspek hinungdan nga ila kining giaresto sa miaging gabii.
Maoy ilang nakuha sa posisyon sa suspek ang lima ka sachet sa shabu ug marked money.
Una nang gibutyag ni Langala nga ang kasong pagsupak sa RA 9165 lamang ang ilang ipasaka batok sa suspek ning adlawa.
