CAGAYAN DE ORO CITY – Naghikog patay sulod sa pansayan ang suspek sa pagdunggab-patay sa taxi driver nga kasamtangang nabalhog sa Macabalan Police Station mini-cell ning syudad kagabii.
Giila ang naghikop nga suspek nga si Kim Troy Francisco ,46 anyos ug molopyo ning syudad.
Segun sa duha ka police nga nagbantay sa ilang mga piniriso nga sila Police Corporal Selgas Malagamba nga nananghid si Francisco nga mugamit sa comfort room.
Apan lima ka minuto ang milabay, nakadungog sila’g kusog nga pag-agulo ug paglagubo sa pertahan sa ilang CR.
Sa ilang pagsusi, nakit-an nila nga naligo na sa dugo ang suspek sulod sa pansayan human gi-golgol niini ang iyang li-og.
Dali nga gidala sa pinakadool nga ospital ang suspek apan tungod sa pagkawala sa daghang dugo, gideklarar kining dead on arrival.
Hisayran nga ang suspek nadakpan niadtong Pebrero 4 human midunggab patay sa usa ka taxi driver nga si Eldin Pontillas sa Punta,Macabalan ning syudad.
Narekober sa crime scene ang taas nga pulgada nga kutsilyo nga gitoohang gigamit sa suspek paghunos sa iyang kinabuhi.
