CAGAYAN DE ORO CITY-Gikasuhan na sa murder sa korte ang giingong usa sa mga suspek pagpusil-patay kang late University of the Science and Technology of the Philippines o USTP president Dr Ricardo Rotoras ning syudad.
Kini human nakit-an sa panel of prosecutors nga naghawid sa kaso nga dunay basehan aron kasuhan ang suspek nga si Johnriel Gamanay nga taga- Zamboanga Peninsula nga usa sa mga suspek mipusil-patay kang Rotoras sa Brgy Carmen sa miaging Disyembre 2017.
Miingon si Cagayan de Oro City Police Office spokepserson Supt Mardi Hortillosa nga gawas niini,mi-apply usab sila sa Dept of Justice o DoJ aron mapaubos sa witness protection program ang testigo nga hawid nila kabahin sa kremin.
Si Gamanay ang detinado sa Ozamiz City Jail dihang unang nadakpan sa kasong murder sa giingong pagpusil-patay sa kanhi bise mayor sa maong syudad.
