CAGAYAN DE ORO CITY – Kasuhan sa murder ang usa ka lalaki nga suspek pagpusil-patay sa iyang kaugalingong higala samtang sila nag-inom sa tindahan sa San Agustin Valley Homes Subdivision,Sitio Calaanan,Brgy Canitoan ning syudad.
Kini human kompirmaha ni Bulua Police Station commander Police Maj Peter Tajor nga boluntaryong mi-surender ang suspek nga si Albert Cenas ngadto sa mga personahe sa PNP-CIDG kagahapong adlawa.
Miingon si Tajor nga gihulat nila ang pagdalikyat sa pamilya sa biktima nga si Jim Gutierrez sa ilang buhatan aron mahan-ay ang ipasaka nga kaso batok Cenas sa piskalya sa sunod semana.
Una nang nagsinumbahay sa duha ka magkalahigayon ang duruha sa Miyerkules Santo ayha mi-resulta sa pagpamusil nga mi-resulta sa kamatayon sa biktima sa miaging gabii.
Nahiagom sa upat ka igo pinusilan ang biktima gamit ang kalibre 45 nga armas hinungdang wala na madala sa ospital.
