CAGAYAN DE ORO CITY – Gipangita pa sa kapolisan ang armadong suspected motorcycle riding criminal nga responsable pagpusil-patay sa bau-bao driver sa Zone 10-B,Sihayon,.Brgy Sta. Cruz,Tagoloan,Misamis Oriental.
Giila ni Tagoloan Police Station commander Ralph Rexson Layug ang biktima nga si Edmar Tacbobo,ulitawo,legal ang edad ug nagpuyo sa Poblacion 3,Villanueva ning lalawigan.
Sa pakisusi sa mga otoridad,kalit giduulan sa wala mailang suspek ang biktima samtang nakaparada ang tricab niini ug gilayong pusil sa daghang higayon hinungdan sa iyang kamatayon.
Sa pagkakaron,wala pa’y lig-ong teorya nga gikuptan ang kapolisan kon nganong gipusil sa upat ka higayon ang ulo ug lawas ang biktima gamit ang dili pa tino nga klase nga armas rason sa lawom nga imbestigasyon.
