Gitakdang magka-atubang sa barangay ang tag-iya sa mga iro batok sa silingan nga tinuyo gisabliga’g ininit nga tubig sulod sa tangkal niini sa Dipolog City,Zamboanga del Norte.
Kini human e-reklamo sagiingong tag-iya sa mga iro nga si Maud Velasco Vance ang suspek nga si alyas ‘DL’ tungod sa hitabo.
Kini ang gihatag nga impormasyon ni Vance kinsa giingong tag-iya sa German Shepherd nga iro nga ginganla’g ‘Shine’ diin nag-viral ang CCTV footage nga aktuwal nakit-an ang binuhatan sa suspek.
Miingon si Vance nga naghulat na lang sila sa pagpatawag sa barangay batok sa suspek nga nakit-an sa video nga mihimo sa pagsablig sa init nga tubig nga walay igong basehanan.
Sumala sa pasiunang findings sa veterinary clinic nga nagbaton sa mga paso ang mga iro ilabina si Shine rason nga nagbaton pa sa hilanat.
Hinoon,luwas na ang kahimtang sa maong mga iro samtang gihtagan sa tukmang medikasyon.
Sa pagkutlo ning balita, wala pa’y naglugwa nga pahayag ang suspek gawas sa estorya-estorya nga gibuhat niya ang pagsablig sa tubig nga init sa mga iro kay alingugngog ang dala nga kasaba niadtong tungura.
Hisayrang nag-viral ang kuha nga CCTV camera footage sa hitabo diin daghan sa citizens ang napungot sa suspek ug gusto makasuhan sa kasupakan sa Animal Welfare Act aron mahata’g hustisya ang mga iro nga nangabaso niadtong Abril 1 sa gabii.
