CAGAYAN DE ORO CITY – Napugos pag-depensa sa ilang mga kaugalingon ang tropa sa PNP-Criminal Investigation and Detection Group operatives batok sa suspek nga gidakop nila pinaagi sa Oplan Paglalansag-Omega sa Brgy. Upper Itil, Balabagan,Lanao del Sur.
Kini human giingong misukol ug paulani’g mga bala sa suspek nga si alyas si Boy Sukol ang CIDG operatives nga tuyo lang ipatuman ang sugo sa balaod rason nagkasinukliay sa mga bala.
Namahayag si Lanao del Sur Police Provincial Police Office Director Col. Robert Daculan nga naigo sa ilang tropa ang suspek apan dali gidala sa ospital aron maluwas gikan sa daghang mga samad.
Apan wala na niini malahutay ang mga igo hinungdang deklarado na nga wala na’y kinabuhi.
Nakompiskar sa mga operartiba sa crime scene ang tag-usa ka M-14;M4 rifle; M-16; Baby armalite rifle; duha ka kalibre 45 nga armas ingon man ang klase-klaseng mga bala.
Gidayeg ni Daculan ang undanon nga operasyon sa PNP-CIDG Lanao del Sur apan nasubo usab tungod sa kamatayon sa target personality kay giingong wala mitahod sa balaod ug misukol.
