Natugaw ug mibati sa tumang kakurat ang mga pinoy ug uban pang kaliwatan sa pagdaro sa usa ka itom nga sakyanan sa kalingawan sulod sa East 43rd Avenue ug Fraser Street, Habagatang bahin sa Vancouver pasado alas 8, adlaw’ng Sabado.
Namahayag si Bombo International News Correspondent Chris “Bulakenyo” Garcia nga usa siya ug ang iyang pamilya ang mitambong sa tibook adlaw nga selebrasyon sa Lapu Lapu Day Block Party, sugod alas 9 sa buntag, apan, luwas nga nakauli sa ilang puy-anan dihang mahitabo ang linoog nga insidente.
Gimug-an si Garcia nga bisan ang mga pulis nagkalisud sa paghatag sa insaktong ihap sa mga namatay kay base sa mga nakasaksi kapin 30 ka tawo ang samaran sa insidente human gidaro sa itom nga sakyanan nga gimaneho sa usa ka batan-on.
Mi-angkon si Garcia nga sa 16 ka tuig nga pagpuyo niya sa Vancouver, kini pa ang unang higayon nga mahimong duguon ang Lapu Lapu Festival.
Una niini, gitin-aw ni Garcia nga adunay balaod ang mga British Police nga dili hatagan sa ngalan ang suspek sa krimen hangtud nga mapamatud-an kining kombiktado o “guilty” sa iyang nahimong salaod.
