CAGAYAN DE ORO CITY – Napatay sa operasyon sa kapolisan ang usa sa mga gitoohang milugos-patay sa dalaga nga igsoon sa pulis sa Poblacion,Valencia City, Bukidnon.
Giila ang namatay nga si Julieto Inocensio alyas Lalang,hingkod ang panuigon nga gitumbok nga notoryus nga DI-listed drug personality kinsa nalambigit sa nagkadaiyang krimen sa Valencia City sama sa akyat-bahay gang, gun for hire, pagpangpanulis ug daghan pa.
Base sa report, nakadawat sa reklamo ang kapolisan kalabot na sa duha ka armadong lalaki nga nakita sa Purok 17, Indangon, Brgy Poblacion Valencia City.
Nahitabo ang shootout dihang kalit namusil ang mga suspek pag-abot sa mga pulis sa crime scene.
Una niini, nakita sa CCTV footage ug gikompirmar sa witness nga si Inocensio ang lalaki nga misulod sa boarding house sa gilugos ug gipatay sa biktima nga si Arlene Memeje sulod sa boarding house sa maong lugar sa miaging semana.
