CAGAYAN DE ORO CITY – Mibati’g sobrang presyur ang kanhi sundalo kon unsaon pagbalik ang dul-ag 10 milyones pesos nga kapital sa mga miembro sa Kabus Padatoon o KAPA Community Ministry International Incorporated hinungdang misulod sa grupong Pat Villlacorte o PatVil nga nakabase sa Mindanao.
Kini ang rason ni Patvil crime group leader Ryan Mabborang nga taga-North Cotabato nga mihimo sila’g extortion activities diin si City Mayor Oscar Moreno ang pinakaulahi nila nga na biktima.
Gibutyag ni Mabborang nga kanunay kining baharan sa iyang investors nga patyon kon dili mabalik ang ilang salapi nga giintrigo.
Si Mabborang namugos nga tungod sa pagka-biktima usab niini sa KAPA,napugos kini’g pangilad kang Moreno diin nangayo’g 1.3 milyon pesos aron daw ipagawas sa prisohan si Sean Moreno nga nag-atubang sa illegal drugs case sa Angeles City,Pampanga.
