CAGAYAN DE ORO CITY – Nadakpan sa hiniusang tropa sa Divisoria Police Station ug Cugman Police Station ang giingong suspek pagtulis sa 7-Eleven convenience store diha sa Velez-Yacapin Streets ning syudad.
Kini human nasiplatan sa intelligence operatives ang presensiya sa usa ka Lowel Bardos,21 anyos nga taga-Tulay-Semento,Agora,Brgy Lapasan sa Tomasaco 1st Street,Brgy Macasandig ning syudad kagabii.
Gibutyag ni Divisoria Police Station commander Maj Sebastian Chua nga subay sa kahera sa maong tindahan,giingong positibo nga gitudlo niya ang suspek nga mitulis kaniya.
Apan katingad-an kay dili kalibre 38 nga armas ang nakompiskar apan gitoohang granada gikan sa ‘u-box’ sa motorsiklo nga gimaneho sa suspek kagabii.
Samtang gihimakak nga nagpatulo sa mga luha ang suspek batok sa pasangil sa PNP nga siya ang mitulis sa convenience store diin unang nakuhaan sa balor 6-mil pesos nga salaping cash.
Gibutyag sa nga igo ra siya gihangyo saa mga pulis nga mouban apan nakurat kini kay kalit gipaangkon nga maoy nagtulis sa 7-Eleven branch sa dalang Yacapin-Velez.
Giakusahan usab sa suspek nga gitamnan siya’g granada hinungdan nga mag-atubang kini sa kasong pagpanulis ug illegal possession of firearms sa piskalya sunod semana.s
