CAGAYAN DE ORO CITY- Moatubang na ang tigdumala sa kompanya nga nagbaligya’g herbal products sa komitiba sa trade and commerce nga unang gialegahan sa pipila ka senior citizens nga nangilad kanila pinaagi sa online investment ning syudad.
Kini human unang gibulgar sa duha ka senior citizens kon giunsa sila’g kumbinser sa maong kompanya hinungdan nalugwa ang 25 milyon pesos nila nga investment capital.
Miingon si Kag George Goking,chairman sa komitiba nga nakigkita ug misaad kaniya ang kadagkuan sa kompanyang Marfox nga tubagon ang pasangil sa senior citizens batok kanila sa subli pagdungog sa reklamo sa city vice mayor’s office sa adlaw’ng Biyernes.
