CAGAYAN DE ORO CITY – Napalig-on pa sa National Bureau of Investigation o NBI ang ilang kasong gipasaka batok sa pamilyang
Pagaspas nga nalambigit sa online investment scam diin gatusang kliyente ang nangabiktima ning syudad.
Kini human nakapangayo’g motion for reconsideration o MR ang pamilyang Pagaspas sa kasong syndicated estafa nga nakit-ang dunay probable cause sa piskalya ug napasaka na sa korte.
Miingon si NBI-10 agents head Atty Alex Caburnay nga kabahin sa gikasuhan sila Pablito ug kapikas nga si Rosalie ug ilang anak nga si Domie Pagaspas nga nagpuyo ning syudad.
Namahayag si Pagaspas nga kabahin ang pamilyang Pagaspas sa gitumbok sa mga biktima nga handlers sa pagpangulekta’g bayad nga motubo sa pila ka porsiento sulod lamang sa napulo ka adlaw.
