CAGAYAN DE ORO CITY – Gikasuhan na sa pipila ka investors sa syndicated estafa ang kadagkuan sa Jocals688 Beauty and Wellness Products Trading nga nag-operate sa syudad.
Kini tungod sa pakyas pa gihapon paghatag sa cash reward nga gisaad sa kompanya ngadto sa ilang mga miembro.
Gibutyag ni NBI-10 regional director Atty Patricio Bernales nga daghan na sila’g nadawat nga reklamo batok sa maong kompanya.
Gani,kanunay ang ilang koordinasyon sa Security and Exchange Commission 10 aron mapalig-on ang mga reklamo nga giduso sa pipila ka investors batok Jocals.
Samtang gikompirmar sa kadagkuan sa Jocals688 nga may may mga miembro na sila nga mikaso batok kanila.
Gibutyag ni Melia de Castro,tigpamaba sa Jocals 688 CdeO Branch nga nag-unang reklamo mga mikaso ang wala niini pagkadawat sa cash rewards nga grabeng apektado sa pandemya sa COVID-19.
Miingon si De Castro nga sama sa ubang kompanya,naglisod usab sila apan atubangon nila kon unsa man ang sumbong nga moabot sa korte batok kanila.
