CAGAYAN DE ORO CITY-Kamingaw sa pamilya ug tumang kalisod sa kinabuhi sa bukid ang rason sa usa ka miembro sa rebeldeng New People’s Army hinungdan nga mitahan ug mibalik kini sa sabakan sa gobyerno.
Sumala sa former NPA member nga mibati siya’g kalooy sa iyang mga anak tungod kay wala na niya kini ma-suportahe sa pinansyal nga aspeto.
Gawas niini, iya usab nabati nga giipit na sila sa gobyerno ug limitado na ang ilang mga lihok.
Panawagan niini sa gobyerno nga hataga’g maayong edukasyon ang iyang mga anak.
Gitago una sa kapolisan ang pagkatawo sa miembro sa mitahang NPA sa Salay Municipal Police Station.
Matud ni Misamis Oriental Provincial Police Office deputy Provincial Director for Administration Supt Arden Amogod nga kinahanglan nilang itago ang identity sa surrenderee tungod kay mabutang sa peligro ang kinabuhi sa pamilya niini.
Kini ilabina usab nga naila siya nga taas nga lider sa mga armadong grupo.
Hisayran nga mitahan ang former NPA dala ang iyang M14 sniper rifle.
