Gikuwestiyon ni kanhi Misamis Oriental Vice Governor Joey Pelaez ang rason luyo sa mga alegasyon sa impeachment batok kang Bise Presidente Sara Duterte tungod kay taas gihapon ang satisfaction rating niini sa mga survey.
Bisan pa sa mga pasangil sa pagtraydor sa pagsalig sa publiko, gipunting ni Pelaez nga ang maayong performance ni Duterte unta ang makita sa mga survey kung tinuod pa kini.
Tungod niini, gipadayag niya ang iyang kabalaka nga napasagdan na ang ubang mga problema sa nasud tungod kay ang atensyon sa kagamhanan, labi na sa Senado, nakapokus na hinuon sa mga isyu sa impeachment.
Butyag pa sa kanhi opisyal nga imbes atimanon ang mga gikinahanglan sa katawhan, nagpadayon hinuon ang mga debate nga para kaniya usik-usik langh sa kwarta ug panahon.
