Gibarugan sa Malacañang nga dili pwedeng himoong tamdanan ang taas nga survey rating aron lang likayan ang mga ebidensya sa impeachment batok kay Bise Presidente Sara Duterte.
Sa eksklusibong pakighinabi sa Bombo Radyo kang PCO Undersecretary Claire Castro, gibutyag niini nga mas importante ang kamatuoran ug pagpanubag sa lungsod kaysa sa mga numero sa pulso sa katawhan.
Gisumpay sa opisyal nga kon tinuod nga nanalipod ang Bise Presidente sa publiko, mas maayong ipagawas niini ang iyang mga pangkontrang dokumento sa pormal nga hearing.
Hagit karon sa administrasyon mismo kay VP Sara nga limpyohan ang iyang pangalan pinaagi sa mga lig-ong ebidensya ug dili sa lang sa pulso sa publiko.
