Nagpasidaan ang Cagayan Electric Power and Light Company nga posibleng mosaka ang presyo sa kurente tungod sa tensyon sa Middle East nga nakaapekto sa presyo sa petrolyo sa global market.
Sa interbyu sa Bombo Radyo, giingon ni Marilyn Chavez, assitant General Manager sa CEPALCO nga ang pagtaas sa presyo sa gasolina makaapekto sa generation charge sa kuryente tungod kay ang ubang power suppliers naggamit og fuel sa ilang operasyon.
Gipasabot niya nga ang generation charge mao ang bayad sa kuryente nga gipalit sa distribution utility gikan sa mga power generators.
Matud ni Chavez nga kung mosaka ang gasto sa mga supplier sa pag-generate sa kuryente, posible usab nga mosaka ang bayronon sa konsyumer.
Bisan pa niini, giingon niya nga ipahibalo sa CEPALCO sa publiko ang bisan unsang pagtaas sa rate kung adunay adjustments sa presyo sa kuryente. (By James Oliver)
