CAGAYAN DE ORO CITY – Gi-abisuhan ni Assocation of Brgy Councils -CdeO chapter Vice President ug Gusa Brgy Kapitan Marlo Tabac si Baikingon Punong Brgy Jao Gumapac nga maghinay-hinay lang.
Kini ang nasampit ni Tabac atubangan sa prensa kabahin sa pangutana kung nadawatan na niini ang komunikasyon nga nag-ingon nga may mga gihimo nang mga lakang ang kampo sa pikas grupo diin kabahin sa nanghingusog si Gumapac.
Maoy gitumbok ni Tabac ang isyu sa pipila ka brgy tanod sa Gusa nga giingong magpila ka bulan nang wala mahatagi sa ilang honorarium.
Siya miingon nga na-estorya niya ang ubang mga tanod sa ilang brgy kabahin sa tinud-anay nga kahimtang sa isyu.
Kini ang rason nga gipalanog ni Tabac ang pasidaan kang Gumapac kinsa tigpamaba na usab sa liga nga maghinay-hinay lang.
Hinoon,wala na sumpayi niini kung unsay kahulugan sa iyang mensahe nga mo-preno si Gumapac.
Hisayrang apil si Gumapac sa daghang kapitanes nga giingong nawad-an sa pagsalig ug kumpiyansa sa pagsilbing bise-presidente ni Tabac sa liga sa kapitanes ning syudad.
