CAGAYAN DE ORO CITY – Nanumpa na sa hingpit si Gusa Brgy Kapitan Marlo Tabac isip presidente sa Association of Brgy Councils/ABC-Cagayan de Oro chapter ning adlawa.
Kini human gibakante na ni 2nd District City Councilor Alam Lim ang pagsilbing ABC president kay misugod na sa iyang trabaho isip usa sa mga konsehal sa dakbayan epektibo kaganihang alas dose sa udto.
Maoy mipahurar kaniya si Brgy 18 Kapitan Rey Rivera mismo sa flag raising ceremony sa Brgy Gusa ning syudad.
Tungod niini,bakante na usab ang posisyon sa pagka-bise presidente diin walo ka tuig gihuptan ni Tabac.
Dugtong usab niini, gihulat ni Tabac ang opisyal nga pag-rekognisar kaniya gikan sa ilang ABC national officials diin siya padad-an sa mga dokumento nga mohatag sa pagtugot kaniya panguluhan ang kapitanes sa syudad.
Apan hulaton usab kini nga eksena kay adunay mga reklamo nga giduso ang grupo ni Lim sa nasudnong liga kabahin sa pagpabakante nila kang Tabac gumikan sa daghang isyu.
Nanganti ang pundok ni Lim nga dili ilhon ang pagsilbing presidente ni Tabac hangtod nga walay dokumento gikan sa liga-nasyonal nga mopamatu-od nga siya ang mangulo sa kapitanes sa dakbayan.
Hisayrang namugos ang kontra ni Tabac nga wala na sila’y pagsalig ug kumpiyansa kaniya rason nga mipirma sila sa petisyon nga ilusad unta ang special elections apan wala kini uyuni sa ABC-Manila.
