Mihatag katin-awan ang mga trabahante sa City Hall nga dili direktiba ni Mayor Rolando Klarex Uy ang ilang gilusad nga “Tabang Kauban Donation Drive” nga posted sa social media account sa City Information Office (CIO) niadtong adlaw’ng Biyernes.
Gibutyag ni Jade Adeser, Acting CIO nga kini nga donation drive, inisyatiba sa mga trabahante sa City Hall nga gusto mu-apud sa ilang donasyon alang sa mga nasunugan sa Barangay 17.
Gipamugos ni Adeser nga nahatagan na sa ayuda sa CDO-LGU ang mga nasunugan pinaagi sa pondo nga gi-alokar sa City Social Wlefare Office (CSWD), ug kining mga ayuda nga natapok sa mga empleyado sa City, walay labot sa pondo alang sa relief operation sa CDO-LGU.
Una niini, miingon si Adeser nga suportado sa mayor ang ilang inisyatiba, ug mihangyo sa mga netizens nga dili “E-Bash” ang Mayor ug mupasangil nga wala nay pondo ang syudad kay milusad na sa donation drive, apan kini nga kalihukan, personal nga lakang sa mga empleyado sa city hall.
