CAGAYAN DE ORO CITY – Gibarugan sa tropa sa 8th IB, Philippine Army nga luwas ang ilang puwersa ug walay naangol sa pakig-engkuwentro sa rebeldeng NPA sa Brgy Buladay, Impasug-ong, Bukidnon kagahapong adlawa.
Miluntad sa 5 minutos ang sinukliay sa mga bala sa duha ka pundok.
Gibutyag ni 8th IB civil military operation head 1Lt Erwin Bugarin nga padayon nila gisuhid ang bukirang bahin sa encounter site aron masuta kon may samaron o nakalas sa panig sa mga rebelde.
Una usab niini, may nakaabot nga impormasyon sa Bombo Radyo nga duha ka sundalo ug usa ka rebelde ang samaron human atakeha sa NPA ang detachment sa militar sa maong lugar kagahapon sa hapon.
