Gipahunong sa Commission on Elections ang pagpamaligya sa tag 20 per kilo nga bugas sa Cebu, kagahapon.
Gitin-aw ni (Comelec) Spokesperson John Rex Laudiangco nga sugod Mayo 2 hangtud Mayo 12 ang temporaryong pag “ban” sa pagpamaligya sa maong klase sa bugas, aron malikayan nga mabutangan sa kolor sa pulitika ang nag-unang programa ni Presidente Bongbong Marcos.
Hinoon, mituman ang Department of Agriculture sa kamanduan.
Gireport ni Agriculture Secretary Francisco Tiu Laurel Jr., nga gihunong na ang distribusyon sa bugas Cebu ug Iloilo.
Mahinumduman nga sa Mayo 1 anaa sa 500 ka sako sa bugas ang nabahin-bahin sa Cebu ug mukabat sa 2,500 ang nakabenepisyo sa subsidized nga bugas.
Sa Mayo 13 mag resume ang pagpamaligya sa labing barato nga bugas sa tibook Pilipinas, kundiin, naka-andam na ang pagpalugwa sa 370,000 metric tons nga stock sa DA.
