CAGAYAN DE ORO CITY – Nakasulod sa top 10 ang taga Northern Mindanao isa bag-ong gradwado sa Masidlawin Class of 2020 sa Philippine Military Academy.
Si Rubenson Abgao, lumad nga taga Baroy Lanao Del Norte, maoy mihupot sa ika-siyam nga puwesto isip labing utukan sa PMA Class 2020, ning tuiga.
Base sa report, mikabat sa 195 ang migradwar ning tuiga ug gipahigayon ang virtual graduation ceremony kagahapon sa Baguio.
Maoy nagtop si Gemalyn Sugui nga taga Echague, Isabela. Kini na ang ika-unom nga higayon nga babaye ang topnotcher base sa kasaysayan sa PMA graduating batch sukad tuig 1993. Lakip sa nakasulod sa top 10 sila 1. Gemalyn Sugui sa Echague, Isabela; 2. Jade Villanueva sa Tacloban City; 3. Jefferson Salazar sa Zamboanga City; 4. Rojes Gaile Jamandre sa Lamut, Ifugaol; 5. Jeb Bay-an sa Kabayan, Benguet; 6. Catabay Ladyong sa Tabuk, Kalinga-apayao: 7. Vanelyn Angel Tabao sa Tuguegarao City: 8. June Giel Anne Factor sa Ilocos Norte: 9. Rubenson Abgao sa Baroy, Lanao Del Norte: 10. Dencel Aina Bayaca sa Pampanga.
Hisayran nga base sa 196 graduates, 100 ang mutampo sa Philippine Army, 45 ang mupadulong sa Philippine Air Force, samtang 51 sa Philippine Navy.
