CAGAYAN DE ORO CITY -Gi-imbestigaran pa sa mga otoridad ang kamatayon sa usa ka taga-Marawi City nga gitoohang na hit-and-run sa Masterson Avenue,Upper Carmen ning syudad.
Giila ni Police Executive Master Sgt Senen Barbosa,chief investigator sa traffic unit sa COCPO ang biktima nga si Amin Salic Guiling,32 anyos nga nagpuyo sa Maraiw City.
Miingon si Barbosa nga maglisod sila’g ila sa responsable nga motorista nga gitoohang nakabangga sa biktima kay walay nakasaksi sa hitabo.
Natingala usab ang PNP kon nganong nakaabot ang biktima sa lugar nga distansya man kini sa Muslim community ning syudad.
