Katingad-an ug kulang sa impormasyon ang gisabutan nga Pax Silica nga gikatakdang pirmahan sa kagamhanan ug sa Estados Unidos.
Gi-insistir ni BAYAN Spokesperson Teddy Casiño nga hangtod karon walay gipagawas nga pinal nga kopya sa kontrata ang gobyerno nga posibleng mag-gunit sa yuta sa nasud hangtod sa 99 ka tuig.
Gipasabot sa opisyal ang iyang kabalaka nga samtang puro pa lang saad nga trabaho ang gipanghambog, nagsugod na ang pagpahawa sa mga lumad nga Aeta ug mga mag-uuma didto sa Capas, Tarlac ug sa pipila ka lugar sa minahan.
Busa nagpasidaan ang grupo nga dili pwedeng basta-basta na lang tugotan ang maong proyekto samtang gitagoan sa publiko ang mga detalye niini.-
