CAGAYAN DE ORO CITY-Wala gisalikway sa mga imbestigador sa Cagayan de Oro City Police Office ang posibilidad nga dunay kalambigitan sa druga, personal nga bangi ug away sa yuta ang isyu sa pagpusil kang Brgy 3 Kagawad Jonathan Joseph Borja.
Miingon si Pol Supt Mardi Hortillosa nga gipa-rebyu na sa ilang Cyber Crime group ang tanan CCTV camera palibot sa crime scene aron mapakatag sa publiko ang nawong sa usa sa mga suspek.
Una niini, gihimakak sa tigpamababa sa COCPO ang report nga mitug-an ang pamilya Borja nga gibisitahan ni Pol Supt Michael John Deloso si Kag Borja upat ka adlaw sa wala pa mahitabo ang pagluthang kaniya.
Samtang hulatan sa COCPO nga maka-istorya si Pol Supt Michael John Deloso aron mapalig-on ang ilang ilusad nga imbestigasyon kalabot sa pagluthang kaniya.
Giangkon ni Hortillosa nga pulos nakatap-tap ang duha ka supsek nga namusil kang Deloso base sa nakuhang CCTV footage.
Gitin-aw sab sa maong opisyal nga nakamaayo na ang kahimtang ni Supt Deloso ug naghulat nalang sila kung kanus-a kini nila mahinabi.
Usa sa gitutukan sa mga imbestigador sa kaso ni Deloso ang personal nga bangi.
