Gidaro sa oil tanker ang unom ka sakyanan nga gilakipan sa Rural Transit Bus sa national highway sa Baliwagan, Balingasag, Misamis Oriental, pasado alas 7 sa gabii. Base sa inisyal nga report sa mga miresponde nga personnel sa Bureau of Fire Protection Balingasag, kapin sa 30 ka pasahero sa bus ang nasamdan human nga gi-araro kini sa Tanker nga gitoohang nawad-an sa preno ug nabangga sa poste. Nadamay sa insidente ang usa ka depampasahero nga van nga puno sa pasahero, ug laing tolo ka pribadong sakyanan. Tungod sa kusog nga impact, mas dako ang kadaot ug mas daghan ang biktima. Gipahayag usab ni Misamis Oriental Congressman Bambi Emano nga tabangan ang mga pamilya sa mga samdan ug abagahon ang gasto sa hospital. Nagligid na ang imbestigasyon sa kapulisan aron masiguro ang hustisya sa mga sad-an sa balaod trapiko.
