Gamiton ni Republican Presidential Candidate Donald Trump ang gahum sa taripa aron masulbad ang mga giyera ug tensyon, ilabina sa kagubot sa Russia-Ukraine ug sa nagpadayong tensyon sa America batok sa mga higante merkado sa kalibutan sama sa Iran ug China.
Sa pagtambong ni Trump sa komperensiya sa Economic Club of New York, unang nangutana si Henry Rodgin “Rodge” Cohen, tag iya sa top rank nga law firm sa Estadus Unidos, ang Sullivan & Cromwell.
Gigamit ni Cohen ang isyu sa economic sanctions sa giyera sa Russia ug Ukraine aron sukdon ug masayran sa publiko ang gamitong kabag-uhan, kung si Trump ang sunod nga mupungko isip presidente sa Amerika.
Namugos si Trump nga dautang ‘signos’ kung mohagba ang bili sa dolyar sa world market, busa,gamiton niya ang pagpakang sa sanctions sa labing epektibo nga paagi aron padayong maghari ang dolyar sa tibook kalibutan.(Bombo Anne Quileste).
