Gipamugos ni Philippine Coast Guard (PCG) Spokesperson to the West Philippines Commodore Jay Tarriela, nga nagsugod ang kontrobersiya kalabot sa iyang mga pahayag sa China, dihang misaka ang ihap sa mga trolls nga nanawagan nga siya ireklamo lakip na ang pagpapanubag sa Department of Foreign Affairs (DFA).
Subay sa nabasa nga komento ni Tarriela, namugos ang iyang mga bashers nga ang DFA lang ang adunay katungod ug kapas nga muhawis sa isyu sa sobereniya sa Pilipinas sa WPS.
Nanawagan usab ang uban nga ipaagi sa dilplomatikong proseso ang isyu sa inilogay sa teritoryo.
Mahinumduman nga si Tarriela ang usa sa mga pinaka-vocal nga opisyal sa gobyerno nga nagpadayag sa mga insidente sa West Philippine Sea, ilabi na ang mga aksyon sa China nga giisip nga agresibo ug makadaot sa soberanya sa Pilipinas.
Ang iyang transparency ug aktibong komunikasyon sa publiko nakahatag ug mas klaro nga hulagway sa sitwasyon, nga kaniadto giingon nga gi-limitahan sa Duterte administration aron malikayan ang tensyon sa China.
Ang mga trolls nga iyang giingon kasagaran nagpakaylap sa social media ug nagtuo nga ang Coast Guard dili angay moapil sa public discourse, apan si Tarriela nagbarug nga ang transparency ug public awareness importante aron masabtan sa katawhan ang kahimtang sa West Philippine Sea.
Sa pagkakaron ang DFA ug PCG nagtinabangay sa aspeto sa diplomasya, ug sa aspeto sa security- ground operations.
