CAGAYAN DE ORO CITY – Gitin-aw sa konseho sa Iligan City nga subli nilang gipa-aktibo ang ilang Task Force Hapsay Dalan tungod sa pagbagotbot ug daw pagsukol sa pipila ka mga molopyong muslim batok sa ilang gipatuman road clearing operation sa 44 ka mga barangay sa ilang syudad.
Namahayag si Iligan City Information Officer Joe Pantoja nga dili basta-basta ang composite team sa iyang gitukod nga task force hapsay dalan tungod kay gipanguluhan kini sa mga retired police ug mga army colonel.
Hinoon, gi-angko ni Pantoja nga wala makapalag ang mga reklamador nga mga muslim tungod sa gipabating kaisog ug political will ni Iligan City Mayor Celso Regencia.
