CAGAYAN DE ORO CITY – Gikalita’g susi sa Cagayan de Oro Task Force Group on Firecrackers and Pyrotechnics Display ang firework products sa Rotonda,Brgy Macasandig ning syudad.
Miingon si DILG City Director Edward Bhaghwani nga sa maong pagsusi,walay namatikdan nga adunay mga illegal nga pabuto nga nabaligya sa gitugtan nga vendors.
Gihimo ang pagsusi pipila ka oras dili pa saulugon ang pagsugat sa bag-ong tuig sa dakbayan.
Una nang naglangkob sa task force ang Regulatory Compliance Board,Bureau of Fire Protection, City Disaster Risk Reduction Management Department, Roads and Traffic Administration,Cagayan de Oro City Police Office ug Department of Interior and Local Governments.
Hisayrang gitinguha sa task force nga ubos lang ang matala nga mga tawo nga mabuthan sa gipanggamit nga mga pabuto kon dili gyud mapugngan.
