CAGAYAN DE ORO CITY-Sikat ug bida karon ang engineering brigades gikan sa army,navy ug airforce nga gikatag sulod sa main battle area o MBA sa Marawi City.
Kini human sila ang gitahasan sa ilang kadagkuan nga mohimo’g full clearing operations ug pagtul-id sa mga dalan palibot sa war zone.
Gibutyag ni Col Romeo Brawner,deputy commander sa Joint Task Force Ranao nga kaabag usab nila ang mga personahe sa Explosive and Ordnance Disposal aron mohimo’g search ug retrieval operations sa mga bomba nga anaa sulod sa mga gambalay nga apektado sa giyera.
Hisayrang paspas ang trabaho sa Joint Task Force Marawi ug Joint Task Force Ranao aron mabalikan na’g puyo sa mga bakwit ang 24 ka brgy nga apektado sa kapi’g upat ka bulan nga atake sa grupong Maute-ISIS.
