Nagpasidaan si Task Force Road Clearing Co-chairman retired Police Major Sebastian Balagot Chua Jr. nga walay gipili nga lugar o indibidwal sa pagsugod karong adlawa sa intensive road clearing operations subay sa City Ordinance Number 10551-2007.
Giinsistir sa maong opisyal nga simple lang ang direktiba sa mayor nga kon dili makuha ang mga obstruction sa sidewalk ug kadalanan, ilaha kining ikarga ug i-impound.
Nanawagan usab siya sa katawhan nga mosuporta ug motuman sa balaod alang sa kalamboan sa dakbayan.
Dugang pa niini, gipasalig sa hepe nga dili sila magduha-duha sa pagpatuman sa balaod batok sa tanang magdumili.
