CAGAYAN DE ORO CITY- Nasubo ug nagpaabot sa simpatiya ang Northern Mindanao Inter-Agency Task Force for Emerging Infectios Disease sa nagbangutan nga pamilya sa brgy health workers nga kabahin sa namatay sa dugu-ong aksidente sa checkpoint sa Community Quarantine Control Point sa Sayre Highway, Maramag, Bukidnon.
Miingon si DoH regional director Dr Adriano Suba-an nga gipasalamatan nila ang kakugi ug sakripisyo nila ni brgy health workers si Margie Maribao,Jomalyn Buhayon ug Camp 1 Brgy Kag Aldren Gaitera mapugngan lamang ang mga tawo nga nagbaton sa sintomas sa coronavirus makasulod sa rehiyon.
Miduyog usab ang opisyal sa paglitok sa mga pag-ampo alang sa kaluwasang dayon ngadto sa mga biktima.
Una niini, gidakop na si Jemuel Ompoc kinsa driver sa truck nga nakabangga sa mga biktima.
